八月八日记
自2020年打高中毕业以来，学习压力木該也渐渐淡忘，随之而来个，反之系忘却开初中高中时经历个许多事矣呢。今那个吾捻䟘身，也难免觉得遗憾，感叹暑假记忆衰退个速度太过于惊人矣。还有，有意无意个，又或者系特钉个去封印开往时个无好个事，而亚啲事(好个)反之系吂曾忘记。亟从某种程度上，可以知自家个头脑储存个记忆系有选择性个。吾自小学去开高峰圩读开后，比较少个转过屋家，一般转屋家，也系在放寒暑假时图。其中，初高中介时系爱补课个，故在屋家埕个时间实在系过少矣呢。尽管大学时系较得闲个，但亟只闲也不过系在学校亚埕闲罢矣，又无有几多时间转屋家。估计以后做工矣个话，还过少时间吁。
大学，也爱勤力学习正得，冇能够忘记开自家个初心使命。只有有开明确个目标，暑假在能够无迷失方向，继续前进。须知，吾无单止代表自家一只人吆，还代表开屋家人寄予个希望，还係吾老弟老妹个榜样。吾必须爱以身作则，不仅爱专心学业，争取在学业上有成就，还应该爱拓展自己个其他领域技能。吾知得，作为一只平常无过个人，爱有暑假个操守同原则，更加爱知得为国为家奉献个精神同觉悟。无能够自家一生著为自家，亚样子个做法过于自私矣对于自家而言，也系极无愿见倒个田地。
如今个吾，也慢慢个从阿僬儿变为大人矣呢。光系惗惗，著感到偌感叹呀。时光荏苒，如今成人，一切苦艰皆回忆。吾知得，对于家族而言，光宗耀祖系一世人莫大个荣光。吾也相信，无论哪人著得，佟惗爱为上祖公、为屋家人添光添福。係呀，唯有如此，祖白、公太等，在地下也欣欣而慰安之。
农民家出身个吾，须铭记自家个根在哪，自家又係打哪来个，将来又爱去哪埕。——暑假绝绝不可做出数典忘祖个败家、无念恩个瘑髍行为也！
闲时偷逸，著应多读的书。
做一名合格个社会主义特色个合格好青年正得也吾。
吾爱深深个知得，钱为身外物，有时求财无能同修身修德、造福社会等颠倒转来呀。财、义，终须有一倾斜个。无能两只都惗爱拈也。
在亟只物质富丰、精神世界过度缺乏个世界中，一定爱有操守，一定爱能维持本色正得呢。
其实，面对性欲、物欲，想爱不失守，还真个係有一定难度个呢(唉)
哪怕自家扯常个警戒自家，还係无可避免个受倒影响呀。本来吾控制力、自制力也无係非啲恶呢。正係由于此，常常爱吾景仰、敬佩古往今来渠人文学大家、哲学大家等呀。
吾知，精神滋养系无比重要个。
像吾今那，打阿姑渠人亚埕转来开几日矣，还无知爱做木該才哇吾。每日除开看娱乐视频、听歌、看小说外，竟无所事事而度日哇。简直系颓废个暑期生活呢吾。䟘身又䟘得咁迟，，夜分头睡又睡得咁夜，作息时间，可以讲系极其不规整个呢吾。
吾也惗过，也试图改变一下儿个呢，奈何有计划、惗法，却无有行动哇。故目前止，吾系原地踏步才，丝毫无所变改呢。
娱乐至上，亟种惗法，系极其荒谬个，吾个人系极无赞成个。无论尔哪样子同吾讲著得。
另事，勤力节俭正係吾本人所钟爱个精神品质。无能够去学亚啲不三不四个东西也，亚啲真个，净係教坏细阿僬儿吆噜。
原稿件截图：
